بسم الله الرحمن الرحيم
اللهم صل على محمد واله الطاهرين
هوسات رائعة
للشاعر جابر الكاظمي
لمن يحب المشاركة اهلا وسهلا
الكاظمية المقدسة 1978 م
للعباس بن علي (عليه السلام)
هـــذا انـــته يخـــويـه والحرايب هاي
يــــا ســــدة اســـكنـدر يا كفيل حماي
مسني العطش يا عباس شنهو الراي
زيـــــنب وتــــــحشم واليــــــها مــــــواعدها يكـــــــون يوفّيها
* * *
تـــغطرس بـــالعزم واتــمطه برچابه
وضهـــــضب ابالـلوه چنه اسد غابه
ذب جوده اعله مـتنه واشرع حرابه
شيــــصبره وزيـــــنب عطشانه سيـــــطر عــالشاطي وفرسانه
* * *
للجــــود بــــــيــمين الغـــانمه زمــه
لاچــــن الـــحماسه احترگت بجسمه
كــــل هـــمه يجـــيب الماي كل همه
عبــــاس اتــــوسط بــــالحومـه شـــــحده الــــيوصل للملزومه
* * *
وصـــل للـــعلگمي وامــــتلك جـاريّه
وعيـــــــنه اعــله المـخيم ظلت ربيّه
وجــاري العذب لمــن غرف من ميّه
واتـــــذكّر بحسيــــن واطـــفاله واتــــــغير مـــن حــــاله لحاله
* * *
تـــذكّر أبـو الـيمه وفاض دمع العين
وعاتب نـــفــسه بالفاظ الابه والدين
هوني يا نفس من بعد اخويه حسين
مـــن ذب الجـــود اعــله متونه انــدارت عالصيــــــوان عيونه
* * *
گمـــر هـــاشم ولاح مــهنده بينماه
حــــــط الســيف بيد وايد بيها لواه
گبل ميحانــه صوت التضحيه ناداه
عــــونك يـــا ضيغم يمچـــــــنه انــــــفتحتلك ابـــــواب الجـــنه
* * *
موضوع: هوسات رائعة 
2007-10-09, 3:46 am
