##اهل البيـــــــت عليهم السلام ##
اذا توكع بشدة ابد لاتحتار
انخى اهل الكرامة من تجي الشدة
وادعي الرب تزور الآل فد يوم
وشد عزمك تزور وحيل العزم شده
ومن تنوي تشد العلك بالباب
انوي اطلب مرادك من تجي اتشده
ذولة اهل الكرامة منين ابدي وياك
من اهل الكساء وتالي من بعده
محمد والامير البنجف مدفون
كثر بعده علينه وما ينحمل بعده
وحسن وحسين والطاهرة الزهراء
وبعده ماخلص نسل الطهر بعده
وبعد الخمسة يجي السجاد دوره
وقلبي لو ردت هاك اخذه ودوره
تلكاهم نبض بالدم وبالشريان دوره
ويجي الباقر بعد سجاد
وتالي جعفر الصادق
وحتى تكسب المرضاة
نصيحة الهم اتصادق
جواز وهم عالاعراف
وبس للشيعي يتصادق
واذا توصل لموسى كاظم الغيظ
اذكر ظلم هالعالم واذكره
ولاتنسى الرضا المدفون بايران
واذكر غربته دوم وتذكره
والهادي وابوه والعسكري المظلوم
وتراهم ماصفوا ماضي وذكرى
وللحجة سلام ودعوى بالتعجيل
ولاتنسى صبر زينب ومادار
ولاتنسى وفا العباس لحسين
مادار وابد عنه القلب مادار
ولا ام البنين التوكف النا دوم
الما ردت ايدينا بطلب وبشدة
هدى الركابي
[/center]
موضوع: ** اهــل البيــت ع ** 
2007-10-25, 3:43 am
